Bakı şəhəri Ali-Mələk Mikayıl kilsəsi prixodu, "VTB-Azərbaycan" Bankının dəstəyi ilə xeyriyyə aksiyası keçirib

Bakı şəhəri Ali-Mələk Mikayıl kilsəsi prixodu, "VTB-Azərbaycan" Bankının dəstəyi ilə qarşıdan gələn Milad bayramına həsr olunmuş xeyriyyə aksiyası keçirib. Tədbir çərçivəsində kilsənin baş keşişi, yeparxiyanın xeyriyyə və sosial xidmət şöbəsinin rəhbəri, protoiyerey Mefodiy Əfəndiyev və şöbə əməkdaşı Emil Larionov Qaradağ rayonu, Lökbatan qəsəbəsində yaşayan aztəminatlı ailələrlə görüşüblər. Aksiya başlamazdan əvvəl protoiyerey Mefodiy tədbirə gələnləri təbrik edib və ailələrə ərzaq bağlamaları, uşaqlara isə Milad şirniyyatları hədiyyələrini təqdim edib.