«Rus Evində» Pravoslav Kitabı Gününə həsr olunmuş tədbir keçirilib

Pravoslav Kitabı Günündə Bakıdakı «Rus Evində» («Russkiy Dom») Bakı və Azərbaycan yeparxiyası və «Rossotrudniçestvo»nun Azərbaycandakı Nümayəndəliyinin (Rus Evi) birgə hazırladığı tədbir keçirilib.

Pravoslav Kitab Günü ilk dəfə 2010-cu ildə qeyd edilib. Onun keçirilməsi təşəbbüsü Rus Pravoslav Kilsəsinə məxsusdur. Bayram hər il martın 14-də keçirilir, çünki 1564-cü ilin bu günü Rusiyada ilk çap kitabı - İvan Fedorovun "Həvari" kitabı nəşr olunub.

Tədbiri giriş sözü ilə Rossotrudniçestvo-nun Azərbaycandakı nümayəndəliyinin rəhbəri İrek Zinnurov açıb. Bakı yeparxiya idarəsinin katibi arximandrit Aleksiy (Nikonorov) qeyd olunan hadisə və onunla bağlı tarixi şəraitdən danışıb. Nelli İsrafilovanın rəhbərliyi altında mqd. Mürr-Daşıyan Zənənlər kafedral kilsəsinin kiçik xoru Böyük Oruc ilahilərini ifa etdilər. Pyatiqorsk yeparxiyasının mədəniyyət şöbəsinin katibi Mixail Statsyuk  fortepianonun müşayiəti ilə müəllif vokal əsərləri ilə çıxış etdi.

Tədbir çərçivəsində, ilk dəfə 2006-cı ildə nəşr olunan "Pravoslavnıy vestnik" adlı aylıq yeparxiya qəzetinin yenilənmiş versiyasının təqdimatı keçirilib. Həmçinin, tamaşaçılara Pravoslav Kitabı Gününə həsr olunmuş Bakı yeparxiyasının arxivindən nadir çap nəşrlərindən ibarət sərgi təqdim olunub.