Bakıda Beynəlxalq İslamofobiya ilə Mübarizə Gününə həsr olunmuş forum keçirilir

Bakıda Beynəlxalq İslamofobiya ilə Mübarizə Gününə həsr olunmuş «İslamofobiya irqçiliyin və ayrı-seçkiliyin spesifik forması kimi: Yeni qlobal və transmilli çağırışlar» mövzusunda beynəlxalq forum keçirilir. Forum Bakı Beynəlxalq Multikulturalizm Mərkəzi (BBMM) və G20 Dinlərarası Dialoq Forumu tərəfindən təşkil olunub. 

Konfransın əsas məqsədi beynəlxalq və milli səviyyədə müsəlmanları və əhalisi müsəlman olan ölkələri hədəf alan  tendensiyaları müzakirə etmək üçün elmi platforma yaratmaqdır. Tədbirdə 32 ölkədən alimlər və ilahiyyatçılar, beynəlxalq təşkilatların ekspertləri, din xadimləri və qeyri-hökumət təşkilatlarının nümayəndələri iştirak edir. 

Qeyd edək ki, 15 mart tarixinin İslamofobiya ilə Mübarizə Günü olması ilk dəfə 2020-ci il noyabrın 27-28-də İslam Əməkdaşlıq Təşkilatının Xarici İşlər Nazirləri Şurasının Niger Respublikasının Niamey şəhərindəki toplantısında elan edilib. Birləşmiş Millətlər Təşkilatının Baş Assambleyası 2022-ci ildə 15 mart tarixini İslamofobiya ilə Beynəlxalq Mübarizə Günü kimi qəbul edib.

Ənənəvi dinlərin rəhbərləri sırasında forumun işində Bakı və Azərbaycan yeparxiyasının katibi arximandrit Aleksiy (Nikonorov) iştirak edib