Yepiskop Aleksiy MP XKƏŞ-nin sədri ilə Qafqaz Müsəlmanları Başçısı arasında keçirilən görüşdə iştirak edib

Qafqaz Müsəlmanları İdarəsinin sədri Şeyxülislam Allahşükür Paşazadə Moskva Patriarxlığının Xarici Kilsə Əlaqələri Şöbəsinin sədri Mitropolit Antoninin (Sevryuk) başçılıq etdiyi Rus Pravoslav Kilsəsinin nümayəndə heyətini öz iqamətgahında qəbul edib. Görüş Qafqaz Müsəlmanları Başçısının 75 illik yubileyinin qeyd edilməsi çərçivəsində baş tutub. Mitropolit Antoniy Allahşükür Paşazadəyə Moskva və Bütün Rusiyanın Patriarxı Kirill müqəddəsləri adından hədiyyə təqdim etdi və Rus Pravoslav Kilsəsi Başçısının təbrik məktubunu oxudu. Məktubda, həmiçin, deyilir: "...Xalqlarımız arasında əlaqələrin inkişafına verdiyiniz müstəsna tövhələrə görə, eləcə də qeyd etdiyiniz yubileylə əlaqədar mən Sizi Rus Pravoslav Kilsəsinin ən yüksək mükafatlarından biri - Kiyev, Moskva və bütün Rusiyanın mitropoliti Müqəddəs Aleksisin I dərəcəli ordeni ilə təltif etmək qərarına gəldim".

Görüşdə Bakı və Azərbaycan yepiskopu Aleksiy, Xarici Kilsə Əlaqələri Şöbəsinin sədr müavini arximandrit Filaret (Bulekov), şöbənin əməkdaşı keşiş Nikolay Vasin, Bakı Yeparxiya İdarəsinin katibi protoiyerey Dionisiy Sveçnikov, Rusiya Federasiyasının Azərbaycandakı Fövqəladə və Səlahiyyətli səfiri M.N. Yevdokimov, Azərbaycanın ənənəvi dini icmalarının rəhbərləri və nümayəndələri, Qafqaz Müsəlmanları İdarəsinin əməkdaşları, Milli Məclisin deputatları, jurnalistlər iştirak ediblər.