Avqustun 26-da Qafqaz Müsəlmanları İdarəsinin sədri, şeyx-ül-islam Allahşükür Paşazadə doğum gününü qeyd edir

Avqustun 26-da Qafqaz Müsəlmanları İdarəsinin sədri, şeyx-ül-islam Allahşükür Paşazadə doğum gününü qeyd edir.

Bakı Yeparxiya İdarəsinin katibi arximandrit Aleksiy (Nikonorov) Bakı və Azərbaycan Yeparxiyasının rəhbəri vəzifəsini müvəqqəti olaraq icra edən, arxiyepiskop Feofilakt həzrətləri adından və Azərbaycanın bütün pravoslav icması adından şeyx-ül-islam Allahşükür Paşazadə həzrətlərinə təbrik məktubu göndərib. Məktubda şeyx-ül-islam həzrətlərinin ənənəvi mənəvi-əxlaqi ideallara sadiq tolerant cəmiyyətin formalaşmasında xidmətləri vurğulanıb. Arximandrit Aleksi xüsusilə qeyd edib ki, “Uzunilli səmərəli xidmətiniz ərzində Siz ənənəvi dinlər arasında dialoqun ən yüksək səviyyədə olması və dinamik inkişaf etməsi üçün səylərinizi əsirgəmirsiniz”.