“Dünya” məktəbinin şagirdləri Bakı şəhəri Ali Mələk Mikayıl kilsəsini ziyarət ediblər

Noyabrın 21-dən 23-dək “Dünya” məktəbinin müxtəlif siniflərinin şagirdləri müəllimlərin müşayiəti ilə Bakı şəhəri Ali Mələk Mikayıl kilsəsini ziyarət ediblər. Məktəblilərin səfəri Azərbaycan cəmiyyətinin multikultural dəyərləri və ənənələri və ölkəmizin dini müxtəlifliyi ilə tanışlıq çərçivəsində təşkil olunub. Kilsənin keşişi, protoiyerey Andrey Bezotosnıy gənc ziyarətçilər üçün ekskursiya keçirdi. Ekskursiya zamanı onlar pravoslav kilsəsinin quruluşu, xristianlığın əsasları və s. haqda məlumat aldılar. Ekskursiyadan sonra protoiyerey Andrey şagirdlərin çoxsaylı suallarını cavablandırıb.