Azərbaycan Dövlət Akademik Rus Dram Teatrında Aleksandr İvanovun xatirəsinə həsr olunmuş gecə keçirilib

Səməd Vurğun adına Azərbaycan Dövlət Akademik Rus Dram Teatrında Aleksandr Alekseeviç İvanovun xatirəsinə həsr olunmuş gecə keçirilib. A.İvanov uzun illər Azərbaycan xalqının Ümummilli Lideri Heydər Əliyevin mühafizə xidmətinin rəhbəri olub, 2017-ci ildə qəfil ölümünə qədər isə 10 il ərzində çox “İnterfaks-Azərbaycan” agentliyinə rəhbərlik edib.

Xatirə gecəsi çərçivəsində Azərbaycanın xalq yazıçısı, publisist, diplomat Elmira Axundovanın “Rus azərbaycanlısı – Saşa İvanov” kitabının təqdimatı keçirilib.

Tədbirdə görləmli ictimai xadimlər, mədəniyyət nümayəndələri, Bakı və Azərbaycan yeparxiyasının din xadimləri, Aleksandr İvanovun həmkarları, dostları, qohumları və yaxınları iştirak ediblər. Tədbirdə K.Əfəndiyevanın rəhbərliyi altında Bakının Ali Mələk Mikayıl kilsəsi xorunun ifasında ilahilər səsləndirilib.