Qafqaz Müsəlmanları İdarəsinin sədrin iqamətgahında Yuta ştatından (ABŞ) nümayəndə heyətinin şərəfinə ziyafət verilib

Qafqaz Müsəlmanları İdarəsinin sədri Şeyx-ül-islam Allahşükür Paşazadənin iqamətgahında bu günlərdə Azərbaycanda rəsmi səfərdə olan Yuta ştatından (ABŞ) nümayəndə heyətinin şərəfinə ziyafət verilib.  Amerika nümayəndə heyətinə "İsa Məsihin Son Zamanlar Müqəddəsləri  Kilsəsinin On İki Həvari Kvorumu" - nun üzvü rəhbərlik edir.  Tədbirdə Azərbaycandan Milli Məclisin deputatları, ölkənin ənənəvi konfessiyalarının rəhbərləri, Bakı Beynəlxalq Multikulturalizm Mərkəzinin direktoru, Dini Qurumlarla iş üzrə Dövlət Komitəsinin nümayəndələri və digərləri iştirak ediblər. Qonaqları salamlayan 

Şeyx-ül-islam öz nitqində ölkələrimiz arasında dinlərarası əməkdaşlığın hər iki tərəf üçün faydalı olduğunu xüsusilə qeyd edib.  O, Yuta ştatının Xocalı soyqırımını tanıyan ilk ABŞ ştatlarından biri olduğunu və işğaldan azad edilmiş ərazilərdə minaların təmizlənməsinə köməklik göstərdiyini xatırladıb.

Amerika nümayəndə heyətinin rəhbəri öz növbəsində qeyd edib ki, onlar Azərbaycana xas olan multikultural və tolerant mühiti yüksək qiymətləndirirlər, çünki burada müxtəlif xalqların, etnik qrupların, bir çox icmaların nümayəndələrinin dinc yaşaması üçün hər cür şərait yaradılıb.