Bakı yeparxiyasının katibi Vatikanın Türkiyə, Azərbaycan və Türkmənistandakı səfirliyinin birinci katibi Arnaud du Şeyron ilə görüşüb

Bakıda işgüzar səfərdə olan Vatikanın Türkiyə, Azərbaycan və Türkmənistandakı səfirliyinin birinci katibi Arnaud du Şeyron mqd. Mürr-Daşıyan Zənənlər kafedral kilsəsini ziyarət edib. Qonağı Bakı yeparxiyasının katibi, arximandrit Aleksiy (Nikonorov) qarşılayıb, kafedral kilsəsinin tarixi və bu günü haqqında danışıb, həmçinin A. du Şeyronu yeparxiya muzeyinin ekspozisiyası və kitabxanası ilə tanış edib. Görüş zamanı həmçinin birgə əməkdaşlıq məsələləri də müzakirə olunub.