Arxipastır

Pyatiqorsk və Çerkessk arxiyepiskopu Feofilakt (Kuryanov Denis Anatolyeviç) 27 avqust 1974-cü ildə Qroznı şəhərində qulluqçu ailəsində anadan olub. 1991-ci ildə elə orada orta məktəbi bitirib.

1992-ci ildə 5 il ərzində kilsə-kliros xidməti göstərdiyi Qroznı şəhər Mixail Arxangel kilsəsinin baş keşişi protoierey Pyotr Netsvetayevin tövsiyəsi ilə Stavropol ilahiyyat seminariyasına qəbul olunmuşdur.

5 aprel 1994-cü ildə Stavropol və Vladiqavqaz mitropoliti Gedeon tərəfindən rahibliyə qəbul olunmuş və ona Nikomidiya yepiskopu mübarək şəhid Feofilaktın şərəfinə Feofilakt adını vermişdir.

23 aprel 1994-cü ildə yepiskop Vereyski Yevgeni tərəfindən ona iyerodyakon, həmin il iyun ayının 5-də isə iyerorahib rütbəsi verilmişdir.

1996-cı ildə Stavropol ilahiyyat seminariyasını bitirmiş və Stavropol diyarı, Rızdvyanıy qəsəbəsində inşa edilən baş keşişi təyin olunmuşdur.

18 may 1998-ci ildə Blaqodarnenski dairəsinin pravoslav kilsələrinin keşişi və Blaqodarnı şəhəri Aleksandr Nevski kilsəsinin baş keşişi təyin olunmuşdur.

2000-ci ildə Qafqaz Xalqlar dostluğu institutuna (Stavropol ş.) daxil olmuş və oranı 2004-cü ildə “Psixologiya” ixtisası üzrə bitirmişdir.

2001-ci ildə iqumen rütbəsinə yüksəldilib və İzobilnenski dairəsinin keşişi və İzobilnı ş. Müqəddəs Nikol kilsəsinin baş keşişi təyin olunmuşdur. 2004-cü ildə həmin şəhərdə inşa edilməkdə olan Spaso-Preobrajenski kilsəsinin baş keşişi təyin olunmuşdur.

2002-ci il senyabr ayının 1-də Stavropol ilahiyyat seminariyasında liturgiya müəllimi təyin olunmuşdur.

İlahiyyat təhsilini davam etdirmək üçün 2003-cü ildə Moskva ilahiyyat akademiyasına qəbul olunmuş və 2007-ci ildə oranı bitirmişdir.

2004-cü ilin dekabr ayından etibarən Stavropol və Vladiqafqazın yepiskopunun katibi xidmətinə təyin olunub.

2006-cı il sentyabr ayının 24-də müqəddəs Siluan Afonskinin anım günündə Xilaskar Məsih Kilsəsində Müqəddəs Patriarx II Aleksiy arximandrit Feofilakta Maqnitoqorsk yepiskopu, Çelyabinsk yeparxiyasının vikarisi rütbəsinin verilməsinə rəhbərlik etmişdir.

11 avqust 2008-ci ildə Kurqan və Şadrin yepiskopu Mixailin vəfatından sonra Müqəddəs Patriarx Aleksiyin fərmanı ilə Kurqan yeparxiyasının müvəqqəti rəhbəri təyin edilmişdir.

6 oktyabr 2008-ci ildə Müqəddəs Sinodun qərarı ilə Bronnitski yepiskopu, Moskva yeparxiyasının vikarisi təyin olunmuş və ona Türkmənistan Respublikasında kilsələrin idarə edilməsi tapşırılmışdır.

Müqəddəs Sinodun 31 mart 2009-cu il tarixli qərarı ilə (jurnal №22) Türkmənistanda pravoslav kilsələrinə arxipastır idarəetməsi vəzifələri saxlanılmaqla, Smolensk və Vyazemsk yeparxiyalarının idarəedici arxiyereyi təyin olunmuşdur.

Müqəddəs Sinodun 22 mart 2011-ci il tarixli qərarı ilə (jurnal №13) Pyatiqorsk və Çerkessk kafedralarına təyin olunmuşdur.

Müqəddəs Sinodun 27 iyul 2011-ci il tarixli iclasında (jurnal №67) Türkmənistandakı prixodların müvəqqəti idarəçiliyinin davam etdirilməsi yepiskop Feofilakta tapşırılmışdır.

Müqəddəs Sinodun 15 mart 2012-ci il tarixli qərardadı ilə (jurnal №15) Uspenski Vtoro-Afonski Beştauqorski kişi monastırının baş keşişi (müqəddəs arximandriti) vəzifəsinə təsdiq edilmişdir.

1 fevral 2014-cü ildə Moskvada Xilaskar Məsihin Kilsəsində Müqəddəs Patriarx Kiril tərəfindən arxiyepiskop rütbəsinə qədər yüksəldilmişdir.