Kəlküttəli Tereza Ana sığınacağında Pasxa aksiyası

Yeparxiyanın xeyriyyəçilik və sosial xidmətlər üzrə şöbəsinin rəhbəri, protoiyerey Mefodiy Əfəndiyev, Bakı şəhəri Ali-Mələk Mikayıl kilsəsinin ruhanisi Andrey Bezotosnıy ilə birlikdə Kəlküttəli Tereza Ananın Şəfqət Bacıları sığınacağını ziyarət ediblər və orada bayram ibadəti keçiriblər. İbadətdən sonra sığınacağın pravoslav sakinləri Tövbə və Yevxaristiya Sirrlərini qəbul etdilər. Mefodiy ata sığınacaq sakinlərini ürəkdən salamlayıb, Müqəddəs Pasxa Bayramı ilə təbrik etdi. Daha sonra sığınacağın bütün sakinlərinə və onların qayğısını çəkən rahibələrə Ali-Mələk Mikayıl kilsəsinin çörəkçiləri tərəfindən hazırlanmış kuliçlər, təqdis olunmuş pasxa yumurtaları və "Pravoslavnıy Vestnik" yeparxiya qəzetinin bayram buraxılışı verildi.