Bakı yeparhiyasının ruhanisi protoiyerey Sergiy Ferştandt vəfat edib

Martın 14-də, ömrünün 64-cü ilində Bakı şəhəri Ali-Mələk Mikayıl kilsəsinin ruhanisi, protoiyerey Sergiy Ferştandt Allahın hüzuruna çəkildi. 

Protoiyerey Sergiy Ferştandt 3 noyabr 1961-ci ildə Bakıda anadan olub. 1984-cü ildə Azərbaycan Neft və Kimya İnstitutunu bitirdikdən sonra qaz-neftçıxarma şöbəsində işləyib, 1988-ci ildən isə 79 saylı peşə məktəbində dərs deyib.

1992-ci ildə Sergiy Ferştandt Stavropol və Bakı mitropoliti Gedeon tərəfindən dyakon təyin edildi. Həmin ildə də keşişlik rütbəsini aldı. 1993-cü ildən 1996-cı ilə qədər ata Sergiy Bakı yeparxiyasının gələcək kafedral kilsəsi olacaq,o zaman isə bərpa olunan mqd. Mürr-Daşıyan Zənənlər kilsəsinin baş keşişi vəzifəsində çalışıb. Bir neçə il ərzində o, kafedral kilsəsinin açardaşıyanı kimi xidmət edib. 2007-ci ildə keşiş Sergiy Ferştandt protoiyerey rütbəsinə layiq görülüb. Ömrünün son iki ilində ata Sergiy Bakının Ali-Mələk Mikayıl kilsəsində xidmət edirdi.

Protoiyerey Serginin vəfatı ilə əlaqədar Bakı Yeparxiyasının rəhbəri vəzifəsini müvəqqəti icra edən Pyatiqorsk və Çərkəz arxiyepiskopu Feofilakt başsağlığı göndərib. Başsağlığında deyilir: 

“Protoiyerey Sergiy Ferştandtın vəfatı xəbərini kədərlə qarşıladım. Mərhumun ailəsinə, ruhani övladlarına, eləcə də onu yaxından tanıyan hər kəsə dərin hüznlə başsağlığı verirəm.

30 ildən artıqdır ki, ata Sergiy, ruhanilər və imanlılar arasında dəyişməz hörmət və sevgi qazanaraq, Məsihin tarlasında çalışıb.

Qoy mərhəmətli Rəbb Öz bəndəsinin hər bir könüllü və qeyri-iradi günahını bağışlayaraq Öz Ata qucağına qəbul etsin və onu nə kədərin, nə də ah-nalənin olmadığı, yalnız Sonsuz Həyat olan səmavi məskənlərə yerləşdirsin. Düynasını yeni dəyişmiş protoiyerey Sergiyə əbədi xatirə olsun."