Bakı Yeparxiyası Pravoslav Kitabı Gününü Azərbaycan dilində Dua kitabının təqdimatı ilə qeyd edib

Haqq-İqrar İmanın (Pravoslavlığın) Zəfəri Bayramında Bakı Yeparxiyasının Dini-Mədəni Mərkəzində Pravoslav Kitabı Gününə həsr olunmuş tədbir: Azərbaycan və rus dillərində ikidilli dua kitabının təqdimatı keçirilib.

Unikal layihə Yeparxiya Şurasının  təşəbbüsü ilə Bakı Yeparxiyasının rəhbəri vəzifəsini müvəqqəti icra edən Pyatiqorsk və Çərkəz arxiyepiskopu Feofilaktın xeyir-duası ilə başlanmışdır.

İki il ərzində Yeparxiyada pravoslav dua mətnlərinin Azərbaycan dilinə tərcüməsi işləri aparılmışdır. Arximandrit Aleksinin (Nikonorovun) başçılıq etdiyi, ruhanilər və imanlılardan ibarət işçi qrupu dua kitabının ərsiyə gəlməsi üzərində işləyib. Əsas tərcümə işlərini Əli (Luka) Aslanlı və Toral (Pavel) Ağayev aparıblar.

Topluya səhər və axşam duaları, Müqəddəs Yevxaritiya (Şəriklik) öncəsi duaları, Şəriklikdən sonra şükranlıq duaları, İlahi Liturgiya ayini, Rəbb günlərinin (bazar günləri), əsas və böyük bayramların troparları və kondakları və digər dualar daxil edilib. Dua kitabına ilk dəfə olaraq Azərbaycan müqəddəslərinə: Qafqaz Albaniyasının maarifçisi müqəddəs Elişaya və Albaniyanın ilk yepiskopu müqəddəs şəhid Qriqorisə dualar daxil edilib. Nəşr teoloji və çətin terminlərin geniş izahlı lüğəti ilə təchiz olunub və Bakı kafedral kilsəsinə aid əsas bayramlar ikonalarının təsvirləri ilə bəzədilib.

Arximandrit Aleksiy (Nikonorov) dua kitabının təqdimatı tədbirində iştirak edənlərə salamlama nitqi ilə müraciət etdi. Daha sonra tərcümə qrupunun üzvləri tərcümə üzərində aparılan işlərdən, yaranan çətinliklərdən və onların aradan qaldırılması yollarından danışıblar. Müqəddəs Mürr-Daşıyan Zənənlər kafedral kilsəsinin xoru ifasında  liturgik ilahilər Azərbaycan dilində səsləndi. Tədbirin sonunda iştirakçılara dua kitabının bir nüsxəsi hədiyyə edildi.