Yeni Bakı və Azərbaycan yepiskopu seçildi

Rus Pravoslav Kilsəsinin Müqəddəs Sinodunun 30 may 2024-cü il tarixli iclasında Bakı və Azərbaycan Yeparxiyasının yeni yepiskopu seçilib.

49 saylı JURNAL

Bakı Yeparxiyasının (Azərbaycan Respublikası) vakant kafedrasına təyinat haqqında MÜZAKİRƏ EDİLDİ və QƏRARA ALINDI:

1. Stavropol Yeparxiyasının din xadimi iqumen Aleksiy (Smirnov) Bakı və Azərbaycan Yeparxiyasının Yepiskopu seçilsin.

2. İqumen Aleksinin (Smirnovun) arximandrit rütbəsinə yüksəldilməsindən sonra yepiskop adlandırılması və təqdis olunması yeri Moskva və Bütün Rusiya Patriarxı Kirilin ixtiyarına verilsin.

İqumen Aleksiy (Smirnov) 10 aprel 1975-ci ildə Stavropolda anadan olub. 1995-ci ildə Stavropol Seminariyasını, 1999-cu ildə Sankt-Peterburq Ruhani Akademiyasını bitirmişdir. 12 iyul 1999-cu ildə Stavropol və Vladiqafqaz mitropoliti Gedeon onu diakon rütbəsinə, 1 avqust 1999-cu ildə isə keşiş rütbəsinə təyin edib. 24 avqust 1999-cu ildə o, rahib andı içərək, Aleksiy adını qəbul etdi. 2009-cu ildə Stavropol Dövlət Universitetini tarix müəllimi ixtisası üzrə bitirib. 2017-ci ildə Şimali Qafqaz Federal Universitetinin İlahiyyat fakültəsinin magistraturasını bitirib.

Bu günə qədər iqumen Aleksiy (Smirnov) həm də Stavropol yeparxiyasının təhsil və katexizasiya şöbəsinin rəhbəri, Yeparxiya Şurasının katibi, Stavropol şəhəri Müqəddəs Andrey yepiskop məkanının açardaşıyanı, Şimali Qafqaz Federal Universitetinin politologiya və ilahiyyat kafedrasının dosenti, Qafqaz xalqlarının Dostluğu İnstitutunun elm və ilahiyyat kafedrasının dosenti kimi fəaliyyət göstərir. Bir sıra elmi əsərlərin müəllifidir.