7 iyun - Əqdəs Üçlük Bayramı öncəsi Valideyn Şənbəsi

Əqdəs Üçlük (Pentekost) bayramından öncəki şənbə günündə Kilsə yer üzündə yaşamış bütün mərhum xristianları  xüsusi ayin ilə xatırlayır.  Məhz bu xüsusiyyətinə görə Əqdəs Üçlük öncəsi Valideyn Şənbəsi Böyük Oruc öncəsi Valideyn Şənbəsi ilə birlikdə ümumdünya şənbəsi adlanır. Müqəddəs Mürr-Daşıyan Zənənlər kafedral kilsəsində keçirilən anım ibadətlərinə Bakı və Azərbaycan yepiskopu Aleksiy başçılıq edib. Arxiyereyi kafedral kilsəsinin ruhaniləri müşayiət ediblər. İbadətin sonunda yepiskop Aleksiy vəfat edənlər üçün duanın vacibliyi haqqında xütbə ilə toplaşanlara müraciət etdi. 
Həmin gün yepiskop Aleksiy Bakı şəhər qəbiristanlıqlarının birində mərhum üçün litiya dua ibadətini  keçirib. Azərbaycanın Rus İcmasının üzvləri, icmanın sədri M. Y. Zabelin başda olmaqla, ibadət mərasimində dua ediblər.