Rusiya Günü münasibətilə ziyafət təşkil edib

Rusiya Federasiyasının Azərbaycan Respublikasındakı Səfirliyi milli bayram – Rusiya Günü münasibətilə ziyafət təşkil edib. Rusiya Federasiyasının Azərbaycan Respublikasındakı fövqəladə və səlahiyyətli səfiri M.N. Yevdokimov və Azərbaycan Respublikası xarici işlər nazirinin müavini E.Məmmədov tədbir iştirakçılarına salamlama sözləri ilə müraciət etdilər. Rəsmi hissənin sonunda Mixail Nikolayeviç “Böyük Vətən Müharibəsində Qələbənin 80 illiyinə həsr olunmuş mədəni tədbirlərin həyata keçirilməsində fəal iştirakına görə” Bakı şəhəri Müqəddəs Ali-Mələk Mikayıl kilsəsinin xormeysteri Kristina Əfəndiyevanı, o cümlədən bir sıra digər şəxsləri Rusiyanın Azərbaycandakı səfirliyinin “Təşəkkürnaməsi” ilə təltif edib.  
Tədbirdə Azərbaycanda akkreditə olunmuş diplomatik nümayəndəliklərin rəhbərləri və əməkdaşları, dövlət qurumlarının nümayəndələri, mədəniyyət və ictimaiyyət xadimləri, həmçinin Bakı və Azərbaycan yepiskopu Aleksinin xeyir-duası ilə Bakı yeparxiyasının ruhaniləri iştirak ediblər.