Bakı yeparxiyası öz arxipastırını arxiyerey təyin olunması günü münasibətilə təbrik edir

Zati-həzrətləri,

Bakı və Azərbaycan yepiskopu Aleksiy həzrətlərinə

Zati-həzrətləri, əziz Vladıka!

Düz bir il əvvəl, Rəbbin Meracı bayramında, Allahın xüsusi təqdiri və xüsusi hərəkəti ilə Siz keşişliyin ən yüksək dərəcəsinə çağırıldınız və Rus Pravoslav Kilsəsinin ruhani başçılığı tərəfindən Azərbaycanda yepiskop vəzifəsinə təyin olundunuz.

Moskva və Bütün Rusiyanın Patriarxı Kirill Müqəddəsləri yepiskopluğa ucaldığınız gün Sizə ünvanladığı nəsihətində qeyd etdi ki, qədim islam əsasları və ənənələri olan Azərbaycanda xidmət etmək yepiskopun üzərinə xüsusi məsuliyyət qoyur. Siz yepiskopluqda olduğunuz bir il ərzində Azərbaycanın ənənəvi dini icmalarının rəhbərləri ilə xoş və konstruktiv əlaqələr qurmağa nail oldunuz, dinlərarası dialoqun inkişafına öz şəxsi töhfənizi vermisiniz və multikulturalizmin Azərbaycan modelinin uğurlu olduğunu, ölkəmizin daxili siyasət pilləsinə yüksəldilməsinin şahidi oldunuz.

Kilsə həyatının hərtərəfli inkişafının qayğısına qalaraq, sözdə və əməldə sizə həvalə edilmiş məsihi sürüsünə başçılıq edirsiniz. Sizin rəhbərliyinizlə Bakı yeparxiyasının həyatı inkişaf edir, cari və yeni yeparxiya layihələri uğurla həyata keçirilir. Onların arasında yeparxiyada ilk dəfə keçirilən Beynəlxalq Təhsil Milad oxunuşlarının respublika mərhələsini və Bakı yeparxiyasının təşəbbüsü ilə Bakı Beynəlxalq Multikulturalizm Mərkəzində xristian icmalarının və ölkənin elmi ictimaiyyətinin nümayəndələrini bir araya gətirən “Azərbaycanda xristianlıq: tarix, müasirlik, perspektivlər” adlı dəyirmi masanı xüsusi qeyd etmək lazımdır.

Sizin üçün bu əlamətdar gündə Sizə, əziz Vladıka, Qafqaz uzunömürlüyü, cansağlığı, Ana Kilsənin rifahı naminə zəhmətinizin bəhrələrinin artması ilə sevinmək və ruhani huzurda olmağı arzulayırıq.

Bakı yeparxiyasının ruhaniləri və imanlıları.