Avqustun 9-u - müqəddəs böyük şəhid Panteleymonun xatirəsi günüdür

Avqustun 9-da Kilsə müqəddəs böyük şəhid Panteleymonun xatirəsini qeyd edir. Böyük şəhid Panteleymon Nikomidiyada bütpərəst Evstorgiy və müqəddəs xristian Yevvulanın ailəsində anadan olmuşdur. O, tibb sənətini öyrənib, keşiş Yermolayın təsiri altında xristianlığı qəbul etmişdir. Vəftiz olunduqdan sonra o, kor adamı sağaldır və bununla da atasının xristianlığı qəbul etməsinə nail olur. O, xəstələri Məsihin adı ilə təmənnasız müalicə edir və buna görə də imperator Maksimiana təhvil verilir. Qəddar işgəncələrə dözüb, sağ-salamat qalır, başı qılıncla kəsilərək edam olunur. Müqəddəs Panteleymon bir çox möcüzələrlə məşhurlaşıb. Ənənəvi olaraq, onun şəfaətinə şəfa almaq üçün müraciət edilir.

Böyük şəhid Panteleymonun anım günündə Bakı və Azərbaycan yepiskopu kafedral kilsəsi ruhanilərin müşayiəti ilə Mürr-Daşıyan Zənənlər kilsəsində İlahi Liturgiya keçirib. İbadətin sonunda yepiskop toplaşanlara bayram mövzusunda vəz ilə müraciət edib.