Yepiskop Aleksiy ABŞ-ın Azərbaycandakı müvəqqəti işlər vəkili Emi Karlon ilə görüşdə iştirak edib

Bakı və Azərbaycan yepiskopu Aleksiy, Şeyxülislam Allahşükür Paşazadənin sədrliyi ilə Azərbaycan Dini Konfessiyaların Məşvərət Şurasının tərkibində ABŞ-ın Azərbaycandakı müvəqqəti işlər vəkili Emi Karlon ilə görüşdə iştirak edib.

Görüşdə Şeyxülislam E.Karlona Azərbaycanın öz suverenliyini tam bərpa etməsi və hazırda Qarabağda aparılan genişmiqyaslı inkişaf və quruculuq işləri barədə məlumat verib.

Yepiskop Aleksiy Azərbaycanda Rus Pravoslav Kilsəsinin vəziyyətindən danışıb, xüsusilə Azərbaycan Respublikasının Prezidenti İlham Əliyevin simasında Bakı Yeparxiyasına dövlət tərəfindən göstərilən hərtərəfli yardımı qeyd edib.

E.Karlon dini liderlərin regionun gələcəyinin formalaşmasında mühüm rol oynayacağına ümid etdiyini bildirib və həmçinin qeyd edib ki, multikulturalizm baxımından Azərbaycandan öyrənməli çox şey var.