Bakıda “Müasir dini təhsil modelləri: mənəvi dəyərlər və qlobal çağırışlar kontekstində" beynəlxalq simpoziumun açılışı keçirilib

Bakıda “Müasir dini təhsil modelləri: mənəvi dəyərlər və qlobal çağırışlar kontekstində" mövzusunda beynəlxalq simpoziumun açılışı keçirilib. Tədbir Azərbaycan Respublikasının Dini Qurumlarla İş üzrə Dövlət Komitəsi, Azərbaycan İlahiyyat İnstitutu və Mənəvi Dəyərlərin Təbliği Fondunun birgə təşkilatçılığı ilə baş tutub.
Simpoziumun plenar iclasında Dini Qurumlarla İş üzrə Dövlət Komitəsinin sədri Ramin Məmmədov, Elm və Təhsil Nazirinin müavini  Firudin Qurbanov, Nizami Gəncəvi adına Milli Azərbaycan Ədəbiyyatı Muzeyinin direktoru Rafael Hüseynov çıxış ediblər. 
Beynəlxalq tədbirdə dövlət qurumlarının nümayəndələri, dini icmaların rəhbərləri və nümayəndələri, Türkiyə, Rusiya, ABŞ, Özbəkistan, Qazaxıstan, Pakistan, İndoneziya, Malayziya, Gürcüstan, Albaniya, İsveçrə, Birləşmiş Ərəb Əmirlikləri, Misir və İraqdan olan alim və təhsil mütəxəssisləri iştirak edirlər. Simpoziumun açılışında Bakı və Azərbaycan yepiskopu Aleksinin xeyir-duası ilə yeparxiya idarəsinin ictimai təşkilatlarla qarşılıqlı əlaqə şöbəsinin rəhbəri, protoiyerey Mefodiy Əfəndiyev iştirak etmişdir.