Bakıda Sevgi, Ailə və Sədaqət Günü qeyd edilib

Bakıda Sevgi, Ailə və Sədaqət Günü qeyd edilib. Sevgi, Ailə və Sədaqət Günü iyulun 8-də qeyd olunan və nikah və ailənin himayədarları kimi ehtiram edilən Muromlu Müqəddəs Pyotr və Fevroniyanın xatirəsinə həsr olunmuş bayramdır. Hər il Bakı Rus Evi bu günü təntənəli proqramla qeyd edir və 25 ildən artıq nikahda olan ailələrə “Sevgi və sədaqətə görə” medalını təqdim edir.

Bu il bayram tədbiri S.Vurğun adına Azərbaycan Dövlət Rus Dram Teatrında keçirilib. 11 ailə medal və fəxri fərmanla təltif edilib. Bakı yeparxiyasının təklifi ilə protodiakon Vadim Tokarev və onun həyat yoldaşı Natalyaya mükafat təqdim olunub.

Qonaq qismində xüsusi dəvət olunmuş Moskva Dövlət Akademik Filarmoniyasının artisti, istedadlı qarmon ifaçısı Aydar Salahov tamaşaçılar qarşısında konsert proqramı ilə çıxış edib.

Bayram tədbirində Bakı Yeparxiyası İdarəsinin katibi protoiyerey Dionisiy Sveçnikov, Yeparxiyanın ictimai təşkilatlarla qarşılıqlı əlaqələr şöbəsinin rəhbəri protoyerey Mefodiy Əfəndiyev, Bakı Yeparxiyasının nəşriyyat şöbəsinin rəhbəri protoiyerey Aleksandr Astaşkin iştirak ediblər.