Yepiskop Aleksiy Azərbaycanın Rus İcmasının sədri Mixail Zabelin ilə görüşüb

Bakı Yeparxiyasının Pravoslav Dini-Mədəni Mərkəzində Bakı və Azərbaycan yepiskopu Aleksiy ilə Azərbaycanın Rus İcmasının sədri M. Y. Zabelin arasında görüş keçirilib. Söhbət zamanı M.Y. Zabelin icmanın yaranması və fəaliyyəti, ötən əsrin mürəkkəb 90-cı illərində icmanın qurulması zamanı Azərbaycan xalqının ümummilli lideri Heydər Əliyevin göstərdiyi dəstək və dövlətin müasir milli siyasəti haqda danışıb. Yepiskop Aleksiy, öz növbəsində, görüşmək imkanına görə M.Y. Zabelinə təşəkkür etdi və Bakı Yeparxiyası ilə Rus icması arasında otuz il ərzində inkişaf edən xoş və səmərəli əlaqələrin davam edəcəyinə ümidvar olduğunu bildirdi. Görüşdə həmçinin gələcək əməkdaşlığın perspektivləri də müzakirə olunub.