Bakı və Azərbaycan yepiskopu Aleksinin Gəncəyə işgüzar səfəri baş tutub. Səfər zamanı yepiskop Aleksiy Müqəddəs Mömin Böyük Knyaz Aleksandr Nevskiy kilsəsini ziyarət edib, burada Azərbaycan Respublikasının Prezidenti İlham Əliyevin sərəncamı və Azərbaycan Dövlətinin dəstəyi ilə aparılacaq genişmiqyaslı təmir-bərpa işlərinin planı ilə tanış olub.
Yepiskop Aleksiy kilsənin ərazisində Gəncə şəhər İcra Hakimiyyətinin başçısı Niyazi Bayramov və Qafqaz Müsəlmanları İdarəsinin Qərb bölgəsi üzrə səlahiyyətli nümayəndəsi Hacı Tahir Abbasovla görüşüb. Görüşdə həmçinin Gəncə şəhəri Aleksandr Nevskiy kilsəsinin baş keşişi iyerey Varfolomey Sotnikov, Azərbaycan Respublikası Dini Qurumlarla İş üzrə Dövlət Komitəsinin nümayəndəsi Həsən Məmmədov, şəhər icra hakimiyyətinin şöbə müdirləri və təmir-bərpa işlərini yerinə yetirəcək "ArchiCO" podratçı şirkətin nümayəndələri iştirak ediblər.
Yepiskop Aleksini Gəncədə salamlayan Niyazi Bayramov yepiskopu bu vəzifəyə təyin olunması münasibətilə təbrik edib, ona Bakı Yeparxiyasının rəhbəri vəzifəsində uğurlar arzulayıb. Hacı Tahir Abbasov salamlara qoşularaq, Qafqaz Müsəlmanları İdarəsinin qərb bölgəsi üzrə nümayəndəliyi ilə Bakı Yeparxiyasının rəhbərliyi arasında yaranmış xoş və konstruktiv münasibətlərin bundan sonra da davam edəcəyinə ümidvar olduğunu bildirib. Arxiyerey də öz növbəsində salamlara və təbriklərə görə minnətdarlığını bildirib, Azərbaycan xalqının rifahı və firavanlığı naminə birgə səmərəli işin gələcəkdə də davam etdiriləcəyinə əmin edib.
Görüş zamanı qarşıda duran təmir-bərpa işləri hərtərəfli müzakirə edilib, lazımi tapşırıqlar verilib.
İşgüzar səfərdə yepiskopu Bakı Yeparxiya İdarəsinin katibi protoiyerey Dionisiy Sveçnikov və iqumen Kirill (Nikitin) müşayiət ediblər.
Moskva şəhəri Xilaskar Məsih kafedral kilsəsinin Patriarx Zalında XXIV Beynəlxalq Milad Təhsil Oxumaları çərçivəsində Rus Pravoslav Kilsəsi ilə cinayət-cəza sistemi arasında qarşılıqlı əməkdaşlıq mövzusunda beynəlxalq konfrans
1 fevral 2026-cı ildə Rus Pravoslav Kilsəsi Moskva və Bütün Rusiya Patriarxı Kiril Müqəddəslərinin taxta çıxmasının 17-ci ildönümünü dua ilə qeyd edir. Kilsələrdə və monastırlarda 2009-cu ildə Yerli Kilsə
Bakı Yeparxiya İdarəsinin katibi, protoiyerey Dionisiy Sveçnikov Sankt-Peterburqd şəhəri "Feodorovskiy" kafedral kilsəsinin maarifləndirmə mərkəzində kilsə icmasının üzvləri ilə görüşdü. Görüşdən əvvəl
Bakı şəhəri Müqəddəs Mürr-Daşıyan Zənənlər kafedral kilsəsində tarixdə ilk dəfə azərbaycan dilində İlahi Liturgiya keçirildi. Dua və liturgiya mətnlərinin Azərbaycan dilinə tərcüməsi 2022-ci ildə Bakı Yeparxiyasının rəhbəri, ...
Dekabrın 28-də Bakı Yeparxiyası Allahın Validəsinin Xəzər ikonasının şərəfinə xüsusi bayram qeyd edir. Bu gün yeparxiya üçün həm də ona görə əlamətdardır ki, 28 dekabr 1998-ci ildə Rus Pravoslav Kilsəsinin Müqəddəs ...
Dünya Azərbaycanlılarının Həmrəylik Günü və Yeni il bayramları ərəfəsində xeyriyyə tədbiri keçirilib. Tədbir zamanı kilsə xeyriyyəçiliyi və sosial xidmət üzrə yeparxiya şöbəsinin rəhbəri, protoiyerey Mefodiy ...
26.07.2024
915
