Qafqaz Müsəlmanları İdarəsinin rəhbəri Rusiyanın Azərbaycandakı səfiri ilə görüşüb

Qafqaz Müsəlmanları İdarəsində Azərbaycan İslam cəmiyyətinin dini lideri Şeyxülislam Allahşükür Paşazadənin Rusiya Federasiyasının Azərbaycan Respublikasındakı fövqəladə və səlahiyyətli səfiri Boçarnikov M. N. ilə görüşü olub. Görüşdə Bakı Yeparxiya İdarəsinin katibi arximandrit Aleksiy  (Nikonorov) də iştirak edib.

Şeyxülislam səfirə ölkədə və regionda dinlərarası münasibətlərlə bağlı mühüm məsələləri görüşmək və müzakirə etmək imkanına görə minnətdarlığını bildirmiş, həmçinin son vaxtlar postsovet məkanında müxtəlif dövlətlər arasında münasibətlərdə özünü göstərən siyasi gərginlikdən narahatlığını bildirmişdir. Şeyxülislam dini liderlərin və onların rəhbərlik etdiyi icmaların bütün kəskin siyasi məsələlər və münaqişələrin sülh yolu ilə həllinə sadiq olduğunu vurğulayıb. Söhbət zamanı qarşılıqlı maraq doğuran digər məsələlərə də toxunulmuşdur.