Arxiyepiskop Feofilakt zəvvarlar qrupunun müşayiəti ilə Bakıdakı Qız qalasının ətəyində Müqəddəs Həvari Varfolomeyin şəhid olduğu yerə baş çəkib

Bakı və Azərbaycan Yeparxiyasının idarə başçısı vəzifəsini müvəqqəti icra edən, Pyatiqorsk və Çərkəz arxiyepiskopu Feofilakt Həzrətləri, Azərbaycana arxipastır səfərində Pyatiqorsk Yeparxiyasının baş keşişlər və zəvvarlar qrupunun müşayiəti ilə Bakıdakı Qız qalasının ətəyində Müqəddəs Həvari Varfolomeyin şəhid olduğu yerə baş çəkib və həmin yerdə ibadət keçirmişdir.

Səfərdə arxiyepiskop Feofilaktı Terek Hərbi Kazak Cəmiyyətinin atamanı Vitali Kuznetsov müşayiət edir. Terek kazak ordusunun səmavi himayədarı, əfsanəyə görə, qədim Alban şəhərində - indiki Bakıda şəhid olmuş Apostol Varfolomeydir.

Duadan sonra Şimali Qafqazdan olan zəvvarlar Şəhidlər xiyabanını ziyarət edərək Fəxri xiyabana yollanıb, burada dirçəldilmiş Bakı yeparxiyasının birinci yepiskopu - arxiyepiskop Aleksandr (İşçeyn) üçün dua oxuyub, Azərbaycanın ümummilli lideri Heydər Əliyevin məzarı üzərinə gül dəstələri düzüblər.