Bakı şəhəri Arxangel Mixail kilsəsində tikinti və bərpa işlərinin əsas mərhələsi başa çatıb

Bakı şəhəri Arxangel Mixail kilsəsində tikinti və bərpa işlərinin əsas mərhələsi başa çatıb. İki il davam edən irimiqyaslı işlər Azərbaycan Respublikası Prezidentinin Sərəncamı ilə dövlət və xeyriyyəçilərin vəsaiti hesabına həyata keçirilib.

Bu müddət ərzində məbədin fasadı bərpa olunmuş, qızıl suyuna salınmış günbəz quraşdırılmış, zəng qülləsi tikilmiş, daxili ərazi abadlaşdırılmış, məbədin tarixi naxışları yenilənib, S. Q. Stroqanov adına Moskva Dövlət Rəssamlıq və Sənaye Akademiyasının peşəkar ikona çəkənlər tərəfindən səcdəgah, günbəzi, divarları bəzənib, qədim ikonostas yeniləndirilib.

Bakı və Azərbaycan Yeparxiyasının idarə başçısı vəzifəsini müvəqqəti icra edən, Pyatiqorsk və Çərkəz arxiyepiskop Feofilakt Həzrətlərinin xeyir-duası ilə şəhərin ən qədim pravoslav kilsəsində işlərin tamamlanması şərəfinə, Rəbbin Yerusəlimə giriş bayramı ərəfəsində, təşəkkür ibadət suyun təqdis edilməsi ilə keçirilib. Müqədəs Arxangel Mixail kilsəsinin baş keşişi protoierey Mefodiy Əfəndiyev dua edənləri "Prezidentin sağlamlığı, bizim evimizin - Azərbaycanın rifahı, məbədin bütün gözəlliyində görünməsi ilə məşğul olanların haqqında" dualar səsləndirməyə çağırıb.