Yeparxiyasının katibi "Sankt - Peterburq Azərbaycan milli-mədəni muxtariyyəti" dövlət ictimai təşkilatının icraçı direktoru ilə görüş keçirilmişdir

Bakı və Azərbaycan Yeparxiyasının Dini-Mədəniyyət Mərkəzində arximandrit Yeparxiyasının katibi Aleksiy (Nikonorov)  "Sankt - Peterburq Azərbaycan milli-mədəni muxtariyyəti" dövlət ictimai təşkilatının icraçı direktoru Rəşadə Orucova ilə görüş keçirilmişdir.
Rəşadə Orucova Azərbaycanın mədəniyyət paytaxtı Şuşa şəhərində Dünya Azərbaycanlılarının V qurultayında iştirak etmək üçün tarixi vətəni ziyarət edir.
Arximandrit Aleksiy qonağa Azərbaycandakı Pravoslav Kilsəsinin tarixindən, Azərbaycan xalqının ümummilli lideri Heydər Əliyevin Bakı Yeparxiyasının dirçəlişindəki rolundan, Prezident İlham Əliyevin ölkənin pravoslav icmasına göstərdiyi dəstəkdən və hazırda Yeparxiyanın həyata keçirdiyi layihələrdən danışdı.
Qonaq Müqəddəs Mürr-daşıyan Zənənlər kafedral kilsəsini ziyarət edib, Dini-Mədəniyyət Mərkəzinin binası, Yeparxiya Muzeyinin ekspozisiyası ilə tanış oldu.
Görüşdən xatirə olaraq arximandrit Aleksiy Rəşadə xanıma tarixi Azərbaycan ərazisində xristianlığın tarixindən bəhs edən kitabı təqdim etdi.