Beynəlxalq konfransının iştirakçıları kafedral kilsəsini ziyarət ediblər

Bakıda keçirilmiş "Prioritet Qlobal Məsələlər üzrə Multikultural Perspektivlər" beynəlxalq konfransının iştirakçıları Bakı şəhəri Müqəddəs Mürr-daşıyan Zənənlər kafedral kilsəsini ziyarət ediblər. Müxtəlif ölkələrdən gələn qonaqlara kafedral kilsənin tarixindən, Azərbaycanın pravoslav icmasının həyatından, digər dini icmalarla qarşılıqlı münasibətlərindən və dövlətlə qarşılıqlı əlaqələrindən bəhs olunmuşdur. Həmçinin konfrans iştirakçıları Bakı Yeparxiyasının Pravoslav Dini-Mədəniyyət Mərkəzində olmuş, burada Yeparxiya Muzeyinin ekspozisiyası ilə tanış olmuşlar. Görüş Yeparxiya Şurasının katibi protoierey Mefodiy Əfəndiyev tərəfindən keçirilib.