Kanada Parlamentinin İcmalar Palatasının nəzdində Kanada – Azərbaycan parlamentlərarası dostluq qrupu kafedral kilsəsini ziyarət ediblər

Kanada Parlamentinin İcmalar Palatasının nəzdində Kanada – Azərbaycan parlamentlərarası dostluq qrupunun rəhbəri Filipp Lourensin başçılıq etdiyi nümayəndə heyəti Bakı şəhəri Müqəddəs Mürr-daşıyan Zənənlər kafedral kilsəsini ziyarət ediblər.

Səfər zamanı qonaqlara kafedral kilsənin tarixi, multikulturalizmin nadir Azərbaycan modeli və "dövlət – din"sahəsində münasibətlər barədə məlumat verilmişdir. Həmçinin qonaqlar Bakı Yeparxiyasının Pravoslav Dini-Mədəniyyət Mərkəzində yerləşən Yeparxiya Muzeyinin ekspozisiyası ilə tanış olublar. Nümayəndə heyəti ilə görüş Yeparxiya Şurasının katibi protoierey Mefodiy Əfəndiyev tərəfindən keçirilib.