Bakı yeparxiyasının katibi "Dinlərarası və Mədəniyyətlərarası Dialoqa, Qarşılıqlı Anlaşmaya və Sülh Naminə Əməkdaşlığa Yardım" konfransında iştirak edib

Vyana şəhəri "Hofburg" hökumət sarayında Azərbaycan Respublikasının Avstriya Respublikasındakı səfirliyi, Nizami Gəncəvi Beynəlxalq Mərkəzi (NGİC), Vyanadakı Azərbaycan Mədəniyyət Mərkəzi, Qafqaz Müsəlmanları İdarəsi və Bakı Beynəlxalq Multikulturalizm Mərkəzinin təşkilatçılığı ilə "Dinlərarası və Mədəniyyətlərarası Dialoqa, Qarşılıqlı Anlaşmaya və Sülh Naminə Əməkdaşlığa Yardım" mövzusunda konfrans keçirilmişdir.

Forumun işində siyasətçilər, hökumətlərin, beynəlxalq təşkilatların, vətəndaş cəmiyyəti təşkilatlarının, elmi dairələrin, dini icmaların, gənclər təşkilatlarının, KİV-lərin nümayəndələri iştirak etmişlər.

Konfransın ilk sessiyası hökumətlər, siyasətçilər və dini liderlərin mədəniyyətlərarası və dinlərarası dialoqun dəyəri, eləcə də öyrənilmiş dərslər və razılaşdırılmış addımların vacibliyi haqqında əsas bəyanatları da daxil olmaqla diskussiyaların əsasını qoydu. İkinci sessiya müxtəlifliyin təşviqi sahəsində milli və beynəlxalq səviyyədə siyasətə həsr olunmuşdur.

Konfransın işində Bakı və Azərbaycan Yeparxiyasının katibi arximandrit Aleksiy (Nikonorov) tədbirin mövzusunda məruzə ilə iştirak etmişdir.