Bakı yeparxiyasının ruhaniləri donorluq məqsədilə qan verdilər

Bakıda ənənəvi xeyriyyə aksiyası – tibbi göstərişlərə görə qanköçürməyə ehtiyacı olanlar üçün qanvermə tədbiri keçirilmişdir. Aksiyada Azərbaycanın ənənəvi dini icmaların nümayəndələri, o cümlədən Bakı yeparxiyasının ruhaniləri iştirak edib. Tədbirin nəticələrinə dair Qafqaz Müsəlmanlar İdarəsində mətbuat konfransı keçirilib. Çoxmillətli Azərbaycan cəmiyyəti naminə sosial fəallıq və qarşılıqlı yardım nümunəsi olan bu xeyriyyə aksiyasının iştirakçılarını salamlayan Qafqaz Müsəlmanların başçısı şeyx-ül-islam A. Paşazadə onlara öz təşəkkürünü bildirib.

Foto: Azertac aqentliyi