Moskva və Bütün Rusiya Patriarxı Kiril həzrətlərinin Bakı Yeparxiyasının 2021-ci il üçün illik hesabatına dair qətnaməsi daxil olub

Bakı Yeparxiyal İdarəsinə Moskva Patriarxlığı İdarəsindən Moskva və Bütün Rusiya Patriarxı Kiril həzrətlərinin Bakı Yeparxiyasının 2021-ci il üçün illik hesabatına dair qətnaməsi daxil olub. ​ Qətnamədə ​ Bakı və Azərbaycan Yeparxiyası rəhbəri vəzifəsini müvəqqəti icra edən Pyatiqorsk və Çərkəz arxiyepiskopu Feofilakta və din xadimlərinə 2021-ci ildə yeparxiya həyatının təşkili istiqamətində göstərdikləri səylərə görə minnətdarlıq ifadə edilir. Patriarx həzrətləri Azərbaycan Respublikasında dövlət orqanları ilə qarşılıqlı əlaqə və dinlərarası xoş münasibətlərin qorunub saxlanması istiqamətində görülən işləri xüsusilə qeyd edir, həmçinin sosial, maarifləndirmə sahələrində ​ və gənclər ilə aparılan işlərin nəticələrini müsbət qiymətləndirir.​
Eyni zamanda, Patriarx həzrətləri, kilsə həyatının adi nizamının COVID-19 pandemiyası ilə bağlı məhdudiyyətlər şəraitində qorunmasının ciddi mənəvi və fiziki güc tələb etməsini nəzərə alaraq, bütün yeparxiya işçilərini mövcud ictimai-siyasi şəraitdə, təyin edilmiş məqsədləri real imkanlar və həyatın xüsusiyyətləri ilə tutuşduraraq, ​ kilsə xidmətinin bütün sahələrinə qayğı göstərməyə çağırır.​
Qətnamə Kilsə Başçısının xeyir-duası ilə bitir: “Allahdan sizə və xidmət etdiyiniz naxıra xeyir-dua diləyirəm”.