Avqustun 26-da Azərbaycan Respublikasının Birinci vitse-prezidenti Mehriban xanım Əliyeva doğum gününü qeyd edir

Avqustun 26-da Azərbaycan Respublikasının Birinci vitse-prezidenti Mehriban xanım Əliyeva doğum gününü qeyd edir. Bakı Yeparxiya İdarəsinin katibi arximandrit Aleksiy (Nikonorov) Bakı və Azərbaycan Yeparxiyasının rəhbəri vəzifəsini müvəqqəti olaraq icra edən, arxiyepiskop Feofilakt həzrətləri adından və Azərbaycanın bütün pravoslav icması adından Mehriban xanım Əliyevaya təbrik məktubu göndərib. Məktubda Mehriban xanım Əliyevanın ölkəmizin qarşısında duran çətin vəzifələri uğurla həll etməyə imkan verən istedadı, təcrübəsi və gözəl şəxsi keyfiyyətləri vurğulanıb . “Ölkəmizin ənənəvi dini icmalarına, o cümlədən Bakı və Azərbaycan Pravoslav Yeparxiyasına dəstəyiniz əvəzsiz və çoxşaxəlidir. Bu da, öz növbəsində, haqlı olaraq Azərbaycanın vizit kartı adlanan dinlərarası və mədəniyyətlərarası dialoqun yüksək səviyyədə saxlanmasına imkan verir" -, deyərək arximandrit Aleksi xüsusilə qeyd edib.