Qəbələ rayonu Nic kəndində yerləşən müqəddəs Yeliseyə (Elişaya) həsr edilmiş qədim udi kilsəsində müasir dövrdə ilk dəfə olaraq İlahi Liturgiya keçirilib

Xilaskarın Əllə-çəkilməyən Surəti bayramı günü, Alban-Udi xristian icmasının dəvəti ilə Bakı və Azərbaycan Yeparxiyasının katibi Arximandrit Aleksiy (Nikonorov), ​ yeparxiyanın Məlumat Departamentinin rəhbəri protoiyerey Dionisiy Sveçnikovun və ​ diakon Mixail Ağayevin müşayiəti ilə Nic kəndini ziyarət edib, İlahi Liturgiya keçirib. Liturgiya zamanı ilk dəfə mqd. Yeliseyə (Elişaya) tropar və kondak duaları oxunub. Bəzi dualar udi dilində səslənib. Nic kəndi ənənəvi olaraq qoz becərməsi ilə məşhurdur. Liturgiyanın sonunda qoz-fındıq nübar məhsulları təqdis edildi. Liturgiyanın himnləri Bakı kafedral kilsəsinin xor triosu tərəfindən ifa olunub.
Bayram münasibətilə yeparxiyanın zəvvarlıq şöbəsi tərəfindən Bakı prixodlarının imanlıları üçün Nic kəndinə ziyarət təşkil edilmişdir.