Beynəlxalq İtkinlər Günündə Bakıda “İtkin düşmüş şəxslərin müəyyən edilməsi – humanitar yanaşma” mövzusunda konfrans keçirilib

Tədbir Beynəlxalq Qırmızı Xaç Komitəsi və Əsir və itkin düşmüş, girov götürülmüş vətəndaşlarla iş üzrə Dövlət Komissiyası tərəfindən təşkil olunub. 
Konfransda Dövlət Komissiyasının, Qırmızı Xaç Komitəsi Nümayəndəliyinin rəhbərləri, Prezident Administrasiyasının və Milli Məclisin nümayəndələri, Azərbaycanda fəaliyyət göstərən dini icmaların rəhbərləri və nümayəndələri, Azərbaycanda akkreditə olunmuş diplomatik nümayəndəliklərin rəhbərləri və nümayəndələri,  həmçinin 1-ci və 2-ci Qarabağ müharibələri zamanı doğmaları əsir və ya itkin düşmüş ailələr iştirak ediblər.  
Konfransda Bakı yeparxiyasını yeparxiyanın ictimai təşkilatlarla əlaqələr İdarəsinin rəhbəri, protoyerey Mefodiy Əfəndiyev təmsil edib.