Amerika Katolik Universitetində “Qlobal sülh və təhlükəsizlik naminə dinlərarası harmoniya” mövzusunda beynəlxalq konfrans keçirilib

Amerika Katolik Universitetində (Vaşinqton, ABŞ) “Qlobal sülh və təhlükəsizlik naminə dinlərarası harmoniya” mövzusunda beynəlxalq konfrans keçirilib.

Forum Bakı Beynəlxalq Multikulturalizm Mərkəzi, Beynəlxalq Hüquq və Dini Araşdırmalar Mərkəzi, Amerika Katolik Universiteti və Azərbaycan Respublikasının Dini Qurumlarla İş üzrə Dövlət Komitəsinin birgə təşkilatçılığı ilə keçirilib.

Birinci sessiyada hökumət nümayəndələri, siyasətçilər və dini liderlər də daxil olmaqla konfrans iştirakçıları mədəniyyətlərarası və dinlərarası dialoqun​ dəyəri və çıxarılmış nəticələr, habelə razılaşdırılmış fəaliyyətin əhəmiyyəti haqqında öz fikirlərini təqdim etdilər. İkinci sessiya müxtəlifliyin təşviqi sahəsində milli və beynəlxalq səviyyədə siyasətə həsr olunub. Müasir siyasi proseslər kontekstində dinlərarası harmoniya məsələsi ilə bağlı həm azlıqların, həm də çoxluğun mövqeləri müzakirə olunub. Üçüncü sessiyada dinlərarası diskursun​ birliyin, tolerantlığın və qarşılıqlı anlaşmanın gücləndirilməsinin mühüm aspekti olduğu cəmiyyətdə harmoniya və təhlükəsizliyin əsas amili kimi multikulturalizmin müxtəlif aspektləri müzakirə edilib.

Spikerlər sırasında Bakı və Azərbaycan Yeparxiyasının katibi arximandrit Aleksiy (Nikonorov) Forumun mövzusu ilə bağlı məruzə ilə çıxış edib.