Yepiskop Aleksiy “İçərişəhər” İdarəsinin sədri ilə görüşüb

Bakı Yeparxiyasının Pravoslav Dini-Mədəni Mərkəzində Bakı və Azərbaycan yepiskopu Aleksiy ilə “İçərişəhər” Dövlət Tarix-Memarlıq Qoruğu İdarəsinin sədri Rüfət Mahmud arasında görüş keçirilib. Görüşdə İdarənin Turizm və İnkişaf şöbəsinin rəhbəri Murad Mirzəyev də iştirak edib.

Qonaqlar Müqəddəs Mürr-Daşıyan Zənənlər kafedral kilsəsini ziyarət edərək burada saxlanılan qüdsiyyətlərlə tanış olub, kilsənin tarixi və bugünkü fəaliyyəti haqqında məlumat alıblar. Onlar, həmçinin, yeparxiya muzeyinin ekspozisiyası ilə tanış olublar.

Görüş zamanı Bakı Yeparxiyası ilə “İçərişəhər” Dövlət Tarix-Memarlıq Qoruğu arasında turizm və zəvvarlıq sahəsində mümkün əməkdaşlıq məsələləri müzakirə olunub, gələcək qarşılıqlı fəaliyyətin perspektivləri nəzərdən keçirilib.