Ali-Mələk Mikayıl kilsəsində uşaqlar üçün liturgiya

Avqustun 22-də Bakı şəhəri Ali-Mələk Mikayıl kilsəsində sevindirici və çoxdan gözlənilən hadisə baş verib: prixodun tarixində ilk dəfə olaraq uşaqların iştirakı ilə İlahi Liturgiya keçirilib. Liturgiyanın bütün nəğmələri prixodun uşaqlar üçün bazar günü məktəbinin yuxarı qrupunun şagirdləri tərəfindən, regent Kristina Əfəndiyevanın rəhbərliyi altında ifa olunub. İbadətə kilsənin baş keşişi protoiyerey Mefodiy Əfəndiyev başçılıq edib. Onu prixodun ən yaşlı ruhanisi protoiyerey Georgiy Kipa müşayiət edib.

Uşaqların ifasında İlahi Liturgiyanın ayrı-ayrı nəğmələri Ali-Mələk Mikayıl kilsəsində ilk dəfə üç il əvvəl, 2023-cü ilin avqustunda səslənib. Həmin vaxtdan etibarən kilsənin gənc üzvləri bazar və bayram günlərində keçirilən ibadətlərdə müntəzəm iştirak edirlər.

İbadətin sonunda ata Mefodiy uşaqlar üçün bazar günü məktəbinin şagirdlərini və xorun regenti Kristina Əfəndiyevanı ilk Liturgiya münasibətilə təbrik edib, göstərdikləri səbir və səylərə görə onlara təşəkkürünü bildirib və gələcək xidmətlərində Allahın yardımını arzulayıb.