Yeparxiya şurasının katibi "Çili: xalq​ və mənzərə" fotosərgi açılışında iştirak edib

Azərbaycan Diplomatik Akademiyasında Azərbaycan Diplomatik Akademiyası, Çilinin Azərbaycan Respublikasındakı səfirliyi və Bakı Beynəlxalq Multikulturalizm​ Mərkəzinin təşkilatçılığı ilə “Çili: xalq​ və mənzərə” mövzusunda fotosərgi açılıb.

Sərginin açılış mərasimində Akademiyanın prorektoru, İnkişaf və Diplomatiya İnstitutunun direktoru Fariz İsmayılzadə, Çilinin Azərbaycan Respublikasında​ Fövqəladə və Səlahiyyətli Səfiri Rodriqo Arkos Kastro və Bakı Beynəlxalq Multikulturalizm Mərkəzinin müşaviri Aytən Qəhrəman tədbir iştirakçılarına salamlama nitqi ilə​ müraciət edib. Sonra qonaqların səfirlə “sual-cavab” formatında söhbəti olub, söhbət zamanı çilililərin adət-ənənələri, eləcə də Azərbaycan və Çili arasında diplomatik və mədəni əlaqələrin inkişaf səviyyəsi ilə bağlı mövzulara toxunulub. Rəsmi hissə başa çatdıqdan sonra qonaqlar təqdim olunan ekspozisiya ilə tanış olublar. Tədbirdə Meksika, Venesuela, Kuba diplomatları, Azərbaycanın dini və milli icmalarının rəhbərləri və nümayəndələri, Akademiyanın müəllim və tələbələri iştirak edib.​

​Bakı Yeparxiyasını​ tədbirdə​ Yeparxiya Şurasının katibi, protoiyerey​ Mefodiy​ Əfəndiyev təmsil edib.