Azərbaycanın xristian icmalarının rəhbərləri və nümayındələri Şəmkir şəhərində səfərdə olublar

Bakının Yevangelik-lüteran İcmasının təşəbbüsü və Azərbaycan Respublikası Dini Qurumlarla İş üzrə Dövlət Komitəsinin dəstəyi ilə konfessiyalararası əməkdaşlığın genişləndirilməsi məqsədilə ölkənin xristian dini icmalarının rəhbərləri və nümayəndələrinin Reformasiya Günü münasibətilə Şəmkir şəhərinə birgə səfəri baş tutub.  Tədbirin proqramı çərçivəsində səfər iştirakçıları şəhərdə yerləşən lüteran kilsəsini ziyarət edib, həmçinin Azərbaycanın şimal-qərb bölgəsinin müxtəlif mədəni, tarixi və təbii görməli yerləri ilə tanış olublar.  Bakı və Azərbaycan yeparxiyasını səfərdə yeparxiya idarəsi dəftərxanasının rəhbəri Mixail Klimov təmsil edib.