Bakıda Rusiyanın Milli Birlik Günü qeyd olunub

Beynəlxalq Muğam Mərkəzində Rusiya Federasiyasının xalq artisti Nadejda Krıgina  və L. Zykina adına "Rusiya".  dövlət akademik rus xalq ansamblının konserti keçirilib.   Təntənəli konsert proqramı Rusiyanın Azərbaycandakı səfirliyinin dəstəyi ilə Bakıdakı Rus Evi, Rusiya Federasiyasının Mədəniyyət Nazirliyi tərəfindən təşkil olunub.
Tədbirə gələn qonaqları Rusiyanın Azərbaycandakı səfiri M. N. Boçarnikov salamlayıb. Gecənin qonaqları arasında Milli Məclis sədrinin birinci müavini Əli Hüseynli, Qazaxıstanın səfiri S.Abdıkarimov, Tacikistanın səfiri R.Soliyev, Rusiya səfirliyinin, bir sıra ölkələrin diplomatik korpusunun nümayəndələri, incəsənət xadimləri ziyalılar və media nümayəndələri  olublar. Bakı Yeparxiyasını tədbirdə yeparxiya şurasının katibi, protoiyerey  Mefodiy Əfəndiyev təmsil edib.