Azərbaycan Respublikasının Prezidenti yanında İdarəetmə Akademiyasının magistrantları Bakı şəhərinin Ali-Mələk Mikayıl​ kilsəsini ziyarət ediblər

Azərbaycan Respublikasının Prezidenti yanında İdarəetmə Akademiyasının magistrantları müəllimlərinin​ müşayiəti ilə ölkəmizin dini rəngarəngliyi ilə tanışlıq çərçivəsində Bakı şəhərinin Ali-Mələk Mikayıl​ kilsəsini ziyarət ediblər. Qonaqları kilsənin baş keşişi, protoiyerey Mefodiy Əfəndiyev səmimi​ qarşılayıb və​ Bakı və Azərbaycan yeparxiyasının bu ən qədim kilsəsi haqda danışaraq onlar üçün​ ekskursiya keçirdib.​ ​ Sonra, ata​ Mefodiy​ görkəmli təhsil ocağı​ tələbələrinin xristianlığın əsasları, pravoslav kilsəsinin quruluşu, dinlərarası dialoq və digər icmaların nümayəndələri ilə əlaqələr​ barədə suallarını cavablandırıb.

Görüşün sonunda kilsənin baş keşişi​ qonaqlara Azərbaycan dilinə tərcümə edilmiş “Bibliya tarixi” və “Pravoslav katexizis” kitablarını hədiyyə etdi.