Brüsseldə “Təhlükəsiz dünya naminə dinlərarası və mədəniyyətlərarası dialoqun təşviqi” mövzusunda beynəlxalq konfrans keçirilib

Brüsseldə (Belçika Krallığı) “Təhlükəsiz dünya naminə dinlərarası və mədəniyyətlərarası dialoqun təşviqi” mövzusunda beynəlxalq konfrans keçirilib.

Forum​ Bakı Beynəlxalq Multikulturalizm Mərkəzi, Azərbaycan Respublikası Dini Qurumlarla İş​ üzrə Dövlət Komitəsi, Avropada Etiqad Azadlığı və Təhlükəsizlik İnstitutu (Institute for Freedom of Faith and Security in Europe / IFFSE) və Avropa İslahatlar Fondunun «Yeni İstiqamət» Assosiasiyası (New Direction – The Foundation for European Reform) tərəfindən təşkil olunub.

Konfrans iştirakçılarının​ sırasında olan hökumət nümayəndələri, siyasətçilər və din xadimləri konfransın​ birinci sessiyası çərçivəsində​ ​ müasir dünyada dinlərin rolu ilə bağlı fikirlərini təqdim ediblər. İkinci sessiya davamlı inkişafın mühüm elementi kimi dinlərarası harmoniya mövzusuna həsr olunub. Üçüncü sessiyada millətlərarası dialoqun sülhə necə töhfə verə biləcəyinin müxtəlif aspektləri müzakirə olunub.

Forumun işində Bakı və Azərbaycan yeparxiyasının katibi arximandrit Aleksiy​ (Nikonorov) iştirak edib.