4 saylı cəzaçəkmə müəssisəsinin ərazisində böyük şəhid Zəncirqıran Anastasiyanın şərəfinə ibadət otağı təqdis edilib

Cəzaçəkmə müəssisələrində xidmət üzrə yeparxiya şöbəsinin rəhbəri protoiyerey Mefodiy Əfəndiyev 4 və 10 saylı cəzaçəkmə müəssisələrində və Qobustan həbsxanasında cəza çəkən məhkumlara baş çəkib.

Bakı yeparxiyasının rəhbəri vəzifəsini müvəqqəti icra edən arxiyepiskop Feofllaktın xeyir-duası ilə 4 saylı cəzaçəkmə müəssisəsində dualar edilib və təmiri və təşkili 2022-ci ilin sonunda başa çatmış müqəddəs Zəncirqıran Anastasiyanın şərəfinə ibadət otağı təqdis edilib. Protoiyerey Mefodiy Əfəndiyev məhkumları sevincli hadisə münasibətilə təbrik edib və öncədən hazırlanmış hədiyyələri onlara təqdim edib.

10 saylı cəzaçəkmə müəssisəsində və Qobustan həbsxanasında da ibadətlər keçirilib. Din xadimi Milad və Zühur bayramları haqqında danışıb, hədiyyələri və pravoslav təqvimlərini təqdim edib.