Cəlilabadda uşaqlar üçün xeyriyyə aksiyası keçirilib

Qarşıdan gələn bayramlar - Dünya Azərbaycanlılarının Həmrəyliyi Günü və Yeni il ərəfəsində Bakı şəhəri Ali-Mələk Mikayıl kilsəsinin təşkilatçılığı və "Güvən xeyriyyə" ictimai birliyinin yardımı ilə Cəlilabadda Günərzi Qayğı və Reabilitasiya Mərkəzinin şagirdləri üçün xeyriyyə uşaq bayramı keçirilib. Bayram tədbiri çərçivəsində xeyriyyəçilərin dəstəyi ilə bir neçə ildir ki Ali-Mələk Mikayıl kilsəsi tərəfindən həyata keçirilən “Şaxta babaya məktub” xeyriyyə aksiyasına start verilib.

Humanitar missiya ilə Cəlilabadda səfərdə olan Yeparxiyanın Xeyriyyəçilik və sosial xidmət şöbəsinin rəhbəri, protoiyerey Mefodiy Əfəndiyev və “Güvən xeyriyyə” ictimai birliyinin rəhbəri Nigar Bayramlı uşaqları qarşıdan gələn bayramlar münasibətilə təbrik edib və onlara şagirdlərin məktublarında Şaxta Babadan istədikləri hədiyyələri və şirniyyatları təqdim ediblər.