Xaçmazda uşaqlar üçün Milad tədbiri

Yeparxiyanın xeyriyyəçilik və sosial xidmət üzrə şöbəsinin rəhbəri protoiyerey Mefodiy Əfəndiyev xeyriyyə aksiyası ilə Xaçmaz şəhərinə səfər edib.

Müqəddəs Ecazkar Nikolay prixodunda uşaqlar üçün Milad şənliyi təşkil edilmişdir. Bayramın keçirilməsi xeyriyyəçilərin dəstəyi ilə Bakı şəhəri Müqəddəs Ali-Mələk Mikayıl kilsəsi tərəfindən bir neçə ildir ki həyata keçirilən "Şaxta babaya məktub" xeyriyyə aksiyasının davamı oldu. Bayram tədbiri iki mərhələdə keçirilib; Xaçmaz və Yalamada yaşayan gənc imanlılar Şaxta baba ilə görüşdə iştirak etdilər. Xeyriyyə tədbirinin sonunda uşaqlar nağıllar aləmindən gələn qonağın əlindən məktublarında istədikləri hədiyyələri, həmçinin Ali-Mələk Mikayıl prixodu tərəfindən hazırlanmış Milad şirniyyatları aldılar. Otuz uşaq, o cümlədən imanlıların uşaqları, eləcə də aztəminatlı ailələrdən olan uşaqlar çoxlu parlaq və unudulmaz təəssüratlar aldılar.