İvanovka kəndində ilk arxiyerey ibadəti keçirilib

Əllinci Gün bayramından sonra 14-cü Rəbb Günündə Bakı və Azərbaycan yepiskopu Aleksiy İsmayıllı rayonunun İvanovka kəndində İlahi Liturgiya keçirib. Bu, məşhur Molokan kəndi və müqəddəs Həvari və Müjdəçi İlahiyyatçı Yəhya icmasının tarixində ilk arxiyerey ibadəti oldu. Yepiskopu Bakı Yeparxiya İdarəsinin katibi, protoiyerey Dionisiy Sveçnikov, protodiakon Vadim Tokarev və diakon Vasiliy Bannikov müşayiət ediblər. İbadət ilahiləri Nelli İsrafilovanın rəhbərliyi altında Bakı kafedral kilsəsinin xor ifaçıları tərəfindən səsləndirilib.

Liturgiyanın sonunda arxipastır ibadətə toplaşan İvanovka kəndinin pravoslav sakinlərinə Rəbbin Günü İncilinin mövzusunda moizə ilə müraciət etdi. Yepiskop Aleksinin kəndlilərlə ünsiyyəti çay süfrəsi arxasında davam etdi.

Həmin gün yepiskop Aleksiy İvanovka kəndinin Nikitin adına kolxozunun sədri V.I. Uryupin ilə görüşüb.