"Yer və Səma" yeparxiya uşaq yaradıcılığı müsabiqəsi başladı

"Yer və Səma" yeparxiya uşaq yaradıcılığı müsabiqəsi başladı. Müsabiqədə iştirak etmək üçün Azərbaycanın bazar günü və ümumtəhsil məktəblərinin, liseylərinin, incəsənət məktəblərinin və studiyalarının şagirdləri, məktəbəqədər təhsil müəssisələrinin və digər uşaq müəssisələrinin şagirdləri dəvət olunur. Təfərrüatlar müsabiqənin əsasnaməsində göstərilib.

"Yer və səma" yeparxiya uşaq yaradıcılıq müsabiqəsi haqqında Əsasnamə.

1. TƏSİCİ VƏ TƏŞKİLATÇILAR

Müsabiqənin təsisçisi Rus Pravoslav Kilsəsinin Bakı və Azərbaycan Yeparxiyasıdır.

Müsabiqə Azərbaycanın Rusdilli Təhsil Müəssisələri Assosiasiyası və Azərbaycan Rus Gəncləri Assosiasiyasının iştirakı ilə Rus Pravoslav Kilsəsinin Bakı və Azərbaycan Yeparxiyası tərəfindən keçirilir.

Münsiflər heyətinə təşkilat komitəsinin nümayəndələri, incəsənət və mədəniyyət xadimləri daxildir.

2. MƏQSƏD VƏ VƏZİFƏLƏR

Müsabiqənin əsas məqsəd və vəzifələri:

• gənc nəslin mənəvi-əxlaqi tərbiyəsi;
• slavyan yazısının mənşəyi ilə tanışlıq yolu ilə gəncləri pravoslav mədəniyyəti və ümumilikdə dünya mədəniyyəti ilə tanış etmək və tanıtmaq;
• gənc istedadların üzə çıxarılması və inkişafı;
• uşaqlar və gənclər üçün yaradıcı ünsiyyət mühitinin yaradılması.

3. MÖVZU

Müsabiqə iştirakçıları gündəlik həyatda onları əhatə edən hər şeyi - ailəsini, dostlarını, evini və şəhərini, müxtəlif təzahürlərində təbiəti öz rəsmlərində və təsviri sənətin digər növlərində əks etdirməlidirlər. Təqdim olunan əsərlərin mövzusu Müqəddəs Yazılardan və Müqəddəs Ənənələrdən səhnələr ola bilər. Uşaqlar Allahın yaratdığı dünya haqqında təsəvvürlərini kağıza köçürməklə ətrafdakı gözəlliyi görməyə, ona görə də öz torpağını, Vətənini sevməyi öyrənirlər.

4. MÜSABİQƏNİN ƏSAS MÖVZULARI:

• Müqəddəs Kirill və Mefodiy.
• Bibliya hekayəsi.
• Slavyan nağıllarının qəhrəmanları.
• Vətənim Azərbaycandır (Azərbaycanda elan edilmiş “Konstitusiya və Suverenlik İli” çərçivəsində).
• Qarabağ motivləri (44 günlük Vətən Müharibəsində Qələbənin 5-ci ildönümünə)
• Sənin şücaətin ölməzdir, azad edən əsgər (Böyük Vətən Müharibəsində Qələbənin 80-ci ildönümünə).

5. ŞƏRTLƏR

5.1 Müsabiqədə Azərbaycanın bazar günü və ümumtəhsil məktəblərinin, liseylərinin, incəsənət məktəblərinin və studiyalarının şagirdləri, məktəbəqədər təhsil müəssisələrinin və digər uşaq müəssisələrinin şagirdləri iştirak edə bilərlər.

5.2 Müsabiqə üç yaş qrupu üzrə keçirilir:

• I qrup – 8 yaşa qədər;
• II qrup – 9 – 12 yaşa qədər;
• III qrup – 13 – 17 yaşa qədər.

Müsabiqə iştirakçılarının işləri 10 may 2025-ci il tarixindən gec olmayaraq aşağıdakı ünvana təqdim edilməlidir:

Bakı, Zərgərrpalan küçəsi, 38, Müqəddəs Ali-Mələk Mikayıl (Arxanqel Mixail) kilsəsi, "Yer və Səma" müsabiqəsi.

Münsiflər heyəti tərəfindən seçilən qalib işlər, nəticələrin elan olunduğu gün – 2025-ci il may ayının son ongünlüyündə təqdim olunacaq.

Əsərlərə rəy bildirilmir və əsərlər geri qaytarılmır.

Müsabiqəyə təqdim edilən əsərlərdən istifadə üzrə bütün hüquqlar Bakı və Azərbaycan Yeparxiyasına məxsusdur.

5.3 Təqdim olunan işlərə dair tələblər:

• İşlər, son bir il ərzində, karandaş, akvarel, quaş, pastel, yağ və ya digər uyğun materiallarda yerinə yetirilməlidir;
• rəsmlərin ölçüləri – 30x40 sm-dən az və 50x70 sm-dən çox olmamalıdır
• rəsmlər paspartu-ya və çərçivələrə salınmır;
• əsərin arxa tərəfində müəllifin soyadı, adı, yaşı, valideynlərlə əlaqə saxlamaq üçün telefon nömrəsi, rəsm əsərinin adı, habelə müəllimin soyadı, adı, atasının adı, təhsil müəssisəsinin və ya kilsənin ünvanı göstərilməlidir.

6. MÜSABİQƏDƏ YERLƏRİN BÖLÜMÜ

Müsabiqənin qalibləri üçün 18 mükafat yeri nəzərdə tutulub:

• birinci yerlər – üç (hər yaş qrupunda bir);
• ikinci yerlər – altı (hər qrupda iki);
• üçüncü yerlər – doqquz (hər qrupda üç).

7. XÜLASƏ

7.1. Münsiflər heyəti nəticələri 24 may 2025-ci il tarixinədək yekunlaşdıracaq. Müsabiqənin nəticələri Bakı və Azərbaycan Yeparxiyasının www.pravoslavie.az saytında və digər yeparxiya və kilsə internet resurslarında dərc olunacaq.

7.2. Müsabiqənin bütün iştirakçıları fərmanlarla, qaliblər isə Fəxri Fərman və hədiyyələrlə təltif olunacaqlar. Mükafatlandırma mərasimi Bakıdakı mədəniyyət məkanlarından birində baş tutacaq və burada müsabiqənin ən yaxşı əsərləri təqdim olunacaq.

7.3 Təqdim olunan bütün işlər müsabiqə təşkilatçılarının internet resurslarındakı tədbir qalereyasında yerləşdiriləcək.