Bakıda "Səmavi Sərkərdənin Qanadı Altında" adlı konsert keçirilib

Bakı şəhəri Ali-Mələk Mikayıl kilsəsinin 180 illiyi münasibətilə bayram tədbirləri "Səmavi Sərkərdənin Qanadı Altında" adlı konsert ilə başlandı. M. Maqomayev adına Azərbaycan Dövlət Filarmoniyasının səhnəsində Kseniya Belıxın rəhbərliyi altında  Bakı ş. Allahın Əqdəs Validəsinin Mövludu kilsəsinin xoru və birləşmiş xor hərəkatının əməkdar xadimi Kristina Əfəndiyevanın rəhbərliyi altında Ali-Mələk Mikayıl kilsəsinin xoru, həmin kilsənin nəznində fəaliyyət göstərən uşaq bazar günü məktəbinin xoru çıxış etdilər. Fortepiano əsərlərini Aysu Mikayılzadə  ifa etdi. Musiqili gecənin aparıcısı sənətşünaslıq üzrə fəlsəfə doktoru Alyona İnyakina idi. Ali-Mələk Mikayıl kilsəsinin tarixini və hazırkı vəziyyətini nümayiş etdirən fotosərgi də tədbir iştirakçılarına təqdim olundu.

Konsertdən əvvəl Bakı və Azərbaycan yepiskopu Aleksiy salamlama nitqi ilə çıxış etdi. Tədbirdə Azərbaycan Respublikası Dini Qurumlarla İş üzrə Dövlət Komitəsinin sədri Ramin Məmmədov, Rusiya Federasiyasının Azərbaycandakı səfiri Mixail Yevdokimov, Belarus Respublikasının Azərbaycandakı səfiri Dmitriy Pineviç, İsrailin Azərbaycandakı səfiri Ronen Kraus, Azərbaycanda Katolik Kilsəsinin apostol prefekti yepiskop Vladimir Fekete və Dağ Yəhudiləri dini icmasının sədri Milix Yevdayev iştirak ediblər.