Bakı Yeparxiyasının Pravoslav Dini-Mədəni Mərkəzində "Maslenitsa"-ya həsr olunmuş tədbir keçirilib

Bakı Yeparxiyasının Pravoslav Dini-Mədəni Mərkəzində "Maslenitsa"-ya həsr olunmuş tədbir keçirilib. Toplaşanları Bakı və Azərbaycan yepiskopu Aleksiy salamlayıb. Yepiskop həzrətləri hamıya arxipastır xeyir-duasını verib və qarşıdan gələn orucu mənəvi fayda ilə keçirməyi arzulayıb.

Bakı kilsələrinin imanlıları qarşısında Müqəddəs Mürr-Daşıyan Zənənlər kafedral kilsəsinin bazar günü məktəbinin şagirdləri çıxış ediblər. Kilsənin xor üzvləri Böyük Oruca hazırlıq dövrü olan Pendir həftəsinin ilahilərini səsləndiriblər. Proqramda protoierey Georgiy Tsurikovun şeirləri pravoslav gənclər tərəfindən qiraət edilib. Bir sıra musiqi nömrələrini qadın kazak xoru təqdim edib. Uşaqların, gənclərin və böyüklərin iştirak etdiyi tortların bəzədilməsi müsabiqəsi tədbirə xüsusi sevinc qatıb. Tədbir fəsəlilər (blinlər), şirniyyat və tortlarla çay süfrəsi ilə başa çatıb.